A Rede Iberoamericana de Escolas Xudiciais (RIAEJ),creada no marco do VI Cumio Iberoamericano de Presidentes de Cortes Supremas e Tribunais Supremos de Xustiza efectuada en Santa Cruz de Tenerife, España, en maio de 2001, é unha comunidade de enlace para a cooperación, concertación e apoio recíproco entre as Escolas Xudiciais e Centros Públicos de Capacitación Xudicial de Iberoamérica, que contribúe ao intercambio de información sobre programas, metodoloxías e sistemas de capacitación xudicial, facilita a coordinación de actividades entre os seus membros e planifica actividades conxuntas de capacitación. Todo isto apoiado nunha estrutura organizativa flexible e respectuosa da autonomía de cada un dos seus membros.

A Rede aspira a ser considerada:

No ámbito da capacitación xudicial, como un modelo de coordinación e integración iberoamericana, pola súa contribución ao bo funcionamento do espazo xudicial común para fortalecer os sistemas xudiciais e o Estado de Dereito. Polos poderes xudiciais e os destinatarios do servizo público de xustiza, como un verdadeiro instrumento estratéxico de desenvolvemento institucional dos poderes xudiciais, e de consolidación dunha sociedade democrática, xusta e humana, pola súa calidade profesional, ética, eficiente, responsable, transparente, creativa e comprometida. Para isto, trazáronse as seguintes políticas:

1. Apoiar a consolidación do Estado constitucional e democrático de dereito e xustiza.
2. Fortalecer o servizo público de xustiza por medio da mellora da capacitación xudicial e a obtención da excelencia profesional dos servidores da xustiza, especialmente dos xuíces e maxistrados.
3. Fortalecer os poderes xudiciais iberoamericanos, por medio dun traballo permanente das Escolas Xudiciais e centros públicos de capacitación xudicial.
4. Afianzar unha mellor integración xudicial iberoamericana mediante a comprensión, por parte dos membros da xudicatura, dos sistemas legais e xudiciais dos demais países iberoamericanos e dos instrumentos de cooperación nacionais e internacionais, así como a formación dos membros da xudicatura para promover dita comprensión.
5. Promover os elementos propios da cultura e identidade xudicial iberoamericana.

A RIAEJ ten como obxectivo xeral estimular e fortalecer a comunicación e interrelación entre os seus membros, mediante a prestación dos seus servizos en forma sistemática, coordinada, eficiente, accesible e confiable; e como obxectivos específicos os seguintes:

1. Ser un medio para a difusión e intercambio de información periodicamente actualizada sobre:
   • O marco legal, situación institucional, organización e funcións dos entes que a integran, así como os modelos e sistemas de capacitación das escolas xudiciais e centros públicos de capacitación xudicial integrantes do organismo.
   • Os procesos de detección das súas necesidades de capacitación e de planificación, organización e de execución das mesmas.
   • A forma na que seleccionan aos seus capacitadores, as oportunidades que ofrecen a estes para perfeccionarse, así como datos sobre especialidade, formación e experiencia.
   • As estratexias metodolóxicas empregadas polas escolas xudiciais e centros públicos de capacitación xudicial integrantes do organismo.
   • Os apoios docentes cos que contan.
   • Experiencias dos membros da Rede.
   • As áreas e actividades que avalían, o xeito como o fan e os resultados xerais e máis significativos destas avaliacións.
   • A asistencia que reciben e a reflexión crítica sobre a mesma.
   • Outras informacións que sexan de interese para a capacitación xudicial.
2. Propiciar asesorías para os membros que a requiran,
3. Propiciar a cooperación recíproca entre os seus membros.
4. Propiciar a cooperación recíproca entre os seus membros.
5. Contribuír ao deseño, organización e execución de proxectos conxuntos, para a satisfacción de necesidades complexas, que supoñan inversións considerables, ou que por calquera outra característica requiran dun esforzo plural e complementario.

Para alcanzar ditos obxectivos, a Rede está abocada á realización dunha serie de actividades entre as que se destacan:

1. Procurar a coordinación e a cooperación entre os membros
2. Fomentar o intercambio de experiencias e de información sobre programas, metodoloxías e sistemas de capacitación xudicial.
3. Crear soportes informáticos en páxinas web (repertorios, bases de datos, etc.), aproveitando os recursos facilitados pola Rede Iberoamericana de Información e Documentación Xudicial (IBERIUS).
4. Promover novos espazos de capacitación, asumindo a posta en funcionamento e dirección do Centro Iberoamericano de Capacitación Xudicial Virtual.
5. Realizar actividades de formación de formadores.
6. Formular, programar e executar programas de capacitación.
7. Propiciar o correcto funcionamento do espazo xudicial iberoamericano, mediante actividades formativas de achegamento aos distintos sistemas xudiciais dos países membros.
8. Avanzar na consolidación dunha cultura xudicial común.
9. Calquera outra actividade análoga a las anteriores

Son integrantes desta Rede, as escolas xudiciais e os centros públicos e unidades de capacitación xudicial dos países iberoamericanos, así como as institucións iberoamericanas de capacitación xudicial de ámbito rexional. Este organismo está estruturado por:

• Unha Asemblea Xeral, composta por todas as escolas xudiciais e centros públicos de capacitación xudicial integrantes, que terá como función primordial aprobar o plan de actividades do organismo, elixir á Xunta Directiva e a Secretaría Pro Tempore de entre os seus membros e recibir os resultados das tarefas desenvoltas polos grupos de traballo. A presidencia da Asemblea elíxese por voto dos seus membros.
• Unha Xunta Directiva, que está integrada por cinco membros da Rede, elixidos pola Asemblea Xeral, cuxo mandato se prolonga ata a celebración da seguinte Asemblea Xeral e as súas funcións son adoptar decisións acerca do funcionamento da Rede entre reunións da Asemblea Xeral, estando en permanente comunicación cos membros da Rede, preparar a axenda das sesións da Asemblea Xeral e convocar a Asemblea Xeral a iniciativa propia ou a instancia dunha cuarta parte dos membros da RIAEJ.
• Unha Secretaría Pro tempore, que é a sede temporal da RIAEJ e recae sobre un membro da Xunta Directiva. As súas funcións son facilitar as relacións entre a RIAEJ e os Organismos nacionais e internacionais, así como realizar os traballos que lle asigne a Xunta Directiva.
• Grupos de traballo, cuxas funcións están vinculadas a estudio de temas concretos, que poidan servir de base á adopción de decisións por parte da Asemblea, ou ben de temas que aseguren o funcionamento da rede.

Por outra banda, no marco da Primeira Asemblea Xeral da Rede Iberoamericana de Escolas Xudiciais, realizada en San Juan, Puerto Rico, o 6 de setembro do 2001, deixouse formalmente constituído o organismo, ao aprobarse e ratificarse as súas Normas de Funcionamento e ao conformar a primeira Xunta Directiva integrada polas escolas xudiciais de Colombia, Costa Rica, España, México e República Dominicana. Ademais, todas as delegacións participantes nesta Primeira Asemblea Xeral ratificaron, por unanimidade, á Escola Nacional da Xudicatura de República Dominicana como Secretaría Pro Tempore da Rede.

Máis información: http://www.riaej.org