Euskal Autonomia Erkidegoko Justizia Auzitegi Nagusiko Gobernu Salako kide den aldetik, zeina hierarkian Justizia Administrazioko Letraduen Kidegoko goragokoa baita eta eremu judizialean esku hartzen duten administrazio eta botereen arteko koordinazioaren eta lankidetzaren arduraduna, Blanca Rosa Barberok gaur hartu du EAEko Justizia Auzitegi Nagusiko gobernu-idazkari kargua.

Justizia Administrazioan izan duen ibilbide profesional luzea gogorarazi ondoren, gobernu-idazkari berriak agerian utzi du komunikaziorako, koordinaziorako eta talde-lanerako bideak zabaldu edo hobetu behar direla, eta, batez ere, estrategiak adostu behar direla.

Gobernu-idazkari berriarentzat, Eusko Jaurlaritzako Justizia, Berdintasun eta Gizarte Politiketako Sailaren 2022-2028rako Justiziaren Plan Estrategikoa ahalegin kolegiatu horren emaitza da, eta aipatutako printzipioak txertatzen ditu nahitaez gertatuko diren antolamendu-aldaketa berriak gauzatzeko.

Bere hitzaldian, Barbero andreak gogorarazi du Justizia Zerbitzu Publikoaren Antolamendu Eraginkortasunari buruzko Lege Proiektua eztabaidagai dagoela Diputatuen Kongresuan. Arau horrek -adierazi du- Justizia Zerbitzu Publikoaren Eraginkortasun Prozesalari eta Eraginkortasun Digitalari buruzko Lege Proiektuarekin batera, Justizia Ministerioaren 2030eko Justizia Planaren lege-oinarria osatzen du, “XIX. mendeko eredu propiotik XXI. mendeko eredu moderno eta eraldatzailera igarotzeko”.
Era berean, Justizia Ministerioko Justizia Zerbitzu Publikoaren antolaketa-eredu berria ezartzeko programak, udalerriko lehen auzialdiko auzitegiak, bulego judiziala eta justizia-bulegoak prestatzeko, hedatzeko eta ezartzeko prozesuan, inplikatutako administrazio guztien kogobernantzaren, lan partekatuaren eta elkarlanaren printzipioak txertatu ditu, zailtasunak konpontzeko, eredu berrirako trantsizioa erraztuz. 

Bere hitzaldiaren harira, EAEko ANko presidenteak nabarmendu du ahalegin kolektibo horrek aukera emango duela, halaber, datorren urteko lehen seihilekoan espediente judizial digitala ezartzeko. Horren ondorioz, profesionalek, herritarrek eta eragile publikoek justizia-sistemarekin duten komunikazioa goitik behera aldatuko da, bulego judizialaren kudeaketa modernizatuko da, prozesuak azkarrago izapidetuko dira eta erabakitakoa ebazteko eta betearazteko baldintzak hobetuko dira. 

Hala ere, eraldaketa digitalaren aldeko apustu hori aurrez aurreko espazio argiekin osatu beharko da, alde batetik, gaitasun digitalik ez duena edo, eduki arren, gailu digitalak izateko gaitasun ekonomikorik ez duena baztertzea saihesteko, eta, bestetik, judizioak bermeak eta babesa barne hartzen dituen espazio sinboliko-komunikatiboa izaten jarrai dezan ahalbidetzeko. 

Ikuspegi holistiko bat sustatu behar dugu –adierazi zuen–, non modu digitalak kudeaketa eta aurrez aurrekoa erraztuko dituen, eta horrek aukera emango duen adierazteko judizioa dela jurisdikzioa egikaritzen den espazio eszenikoa, hiru maxima saihestezinekin: ukitutako pertsonen eskubideekiko errespetua; babesa tutoretza-maila handiena behar dutenentzat eta gardentasuna erabakitzeko boterea erabiltzeko moduan. 

Iñaki Subijana buru izan duen ekitaldian, Euskal Autonomia Erkidegoko Auzitegi Nagusiko Gobernu Salako kideak eta honako hauek ere izan dira: Justiziako estatu-idazkaria, Eusko Jaurlaritzako lehen lehendakariordea, Berdintasun, Justizia eta Gizarte Politiketako Saileko sailburuordea eta zuzendariak, eta abokatu, prokuradore eta lan-harremanetako graduatuen elkargoetako ordezkari ugari.